2007.09.05 Çĕр ĕçчене юратать («Красное знамя (Хĕрлĕ ялав)», Урмары)

Юнашарах вара районта чи лайăх ĕçлекен хуçалăхсенчен пĕри «Урмарская» кайăк-кĕшĕк фабрики те «Ковали» хуçалăхра тĕш тырă акса туса илме пуçларĕ. Апла пулсан хуçалăхри çĕрсем хăçан та пулин çум курăкран тасалса пĕтес шанчăк пурах-ха.

«В.И.Горшков» хресчен /фермер/ хуçалăхне çитсе куртăмăр. Вĕсем 6 гектар çĕр çинче çĕр улми, нумай çул ÿсекен курăк çитĕнтереççĕ. Ĕçчен çемье ларса канма та пĕлмест темелле. Хальхи вăхăтра вĕсем çĕр улми ани çинче. Вăхăтра кăларса тирпейлесе кирлĕ çĕре те вăхăтра çитересшĕн вĕсем ăна. «Юрать-ха тăвансем, юлташсем пулăшаççĕ, унсăрăн хамăр çемьене çеç ытла та йывăр килĕччĕ. Пĕр-пĕрне пулăшса ĕçлетпĕр. Кирлĕ вăхăтра эпир вĕсене техникăпа пулăшатпăр», - тет хуçалăх пуçлăхĕн амăшĕ Нина Ефимовна. Сăмах май каласан вăл çав тери ĕçчен хĕрарăм. Ачисене те мĕн пĕчĕкрен ĕçе хăнăхтарса ÿстернĕ. Халĕ мăнукне - Артема ĕç майне хăнăхтарас тесе тăрăшать. Ĕçчен çынна ял савать тенĕ пек Горшковсене те çавăн пекех. Вĕсем пек ĕçченсем пулсан Кавал çĕрĕ те сывласа ярĕччĕ.

А. НИКОЛАЕВА.