2007.09.13 УЙ-ХИРТЕ («Кошелеевский край (Каçал ен)», Комсомольское)

Ку енĕпе «Труд», «Восток», «Рассвет» ял хуçалăх кооперативĕсем, «Урожай» колхоз ăнăçлă ĕçлеççĕ. Паянхи куна 4700 гектар çĕре сухаласа хатĕрленĕ.

Районти ял хуçалăх кооперативĕсенче çĕрулми пуçтарса кĕртес енĕпе тăрăшаççĕ. Паянхи куна «Слава», «Дубрава», «Восток», «Асаново», «Луч», «Турхан», «Рассвет» хуçалăхсенче, «Слава картофелю», «Нива» ООО агрофирмăсенче, Минатуллин, «Кызыл сабанча» фермер хуçалăхĕсенче «иккĕмĕш çăкăра» пуçтараççĕ. Пурĕ 1749 гектар çинчен пухса кĕртмелле пулсассăн, паянхи куна 454 гектар çинче ĕçе пурнăçланă. 8720 тонна çĕрулми пуçтарса кĕртнĕ. Вăтам тухăç — 192 центнер. Чи пысăк тухăç «Кызыл сабанча» фермер хуçалăхĕнче — 250 центнер тата «Слава картофелю» ООО агрофирмăра — 220 центнер. Çанталăк йĕпе-сапаллă тăрать пулин те, хуçалăхсенче ĕç чарăнмасть.

И. МИНЕТУЛЛИН