2007.10.03 УЙ-ХИРСЕНЧЕ («Кошелеевский край (Каçал ен)», Комсомольское)

Юпа уйăхĕн 2-мĕшĕ тĕлне районта 1276 гектар çинчен 23575 тонна çĕрулми пуçтарса кĕртнĕ. Кашни гектартан вăтамран 185 центнер пухса илнĕ. «Восток», «Асаново» ял хуçалăх кооперативĕсем, «Слава картофелю» агрофирма ООО, «Кызыл сабанча», Семенов фермер хуçалăхĕсем ку ĕçе вĕçленĕ. Чи пысăк тухăç «Слава картофелю» ООО агрофирмăра. Вĕсем 322 гектар çинчен 8190 тонна пухса кĕртнĕ, кашни гектартан вăтамран 254 центнер тухнă. Ытти хуçалăхсен çĕрулмине вăхăтра пуçтарса кĕртес енĕпе тăрăшсах ĕçлемелле, кашни уяр кунпа вырăнлă усă курмалла.

Кĕрхи çĕртме тăвас енĕпе «Труд», «Восток», «Асаново», «Рассвет» ял хуçалăх кооперативĕсем, «Урожай» колхоз, «Родина» фермер хуçалăхĕ, «Слава картофелю» агрофирма ООО ăнăçлă ĕçлеççĕ. Районĕпе пурĕ 7087 гектар çинче ĕçе пурнăçланă. Кĕр тыррисене 5089 гектар акнă.

Пахчаçимĕç культурисене пухса кĕртес енĕпе те тăрăшса ĕçлеççĕ. Пурĕ 52 гектар çинчен 902 тонна пахчаçимĕç пуçтарса илнĕ. Тата 47 гектар çинче ĕçе вĕçлемелле.

«Алга», «Асаново» хуçалăхсем хăмлана татса тирпейленĕ.

И. МИНЕТУЛЛИН